Unajua gari yangu ni Mpya Sana na inatoa maji kwa exhaust pipe? Mwingine atasema, catalytic converter hata ukiitoa hamna tatizo?
Catalytic Converter ni nini?
Catalytic converter ni kifaa muhimu ndani ya exhaust. Jukumu lake kuu ni kupunguza kiwango cha hewa chafu inayozalishwa na Internal combustion engine (ICE). Hivyo basi Catalytic Converter (Masega) hubadili gesi hatarishi kwa mazingira kwa kufanya process inayoitwa Redox. Mfumo huu ulianza rasmi kutumika kwenye magari, miaka ya 1970s.
Catalytic Converter Inafanyaje kazi?
Catalytic Converter (Masega), ndani yake kuna madini kama vile Rhodium, Platinum na Palladium, na yote haya hufanya kazi ya kuondoa kemikali za sumu zinazozalishwa na engine kwa kufanya kazi kuu tatu ambazo ni:
- Reduction of Nitrogen Oxides (NOx): Platinum na Rhodium hubadili Nitrogen Oxides na kuigeuza kuwa Nitrogen na Oxygen. Ujue kuwa NOx ni gesi hatarishi zaidi kwa mazingira kwakua hii husababisha Acidic Rain.
- Oxidation of Carbon Monoxide (CO): Platinum na Palladium hubadili Carbon Monoxide (CO) na kuifanya iwe Carbon Dioxide (CO²). Hewa ya Carbon Dioxide si hatari kwa mazingira kwakua mimea huitumia hewa hii, ila Carbon Monoxide ni hewa chafu zaidi kwa mazingira
- Oxidation of Hydrocarbons (HC): Mabaki ya Hydrocarbon hubadilishwa kuwa Maji, na ndio haya kutoka kwenye exhaust pipe kwenye baadhi ya Magari.
Matatizo yanayoweza kutokea kwenye Catalytic Converters
Kama mifumo mwingine iliyopo ndani ya Gari yako, Catalytic converter inaweza pia kupata changamoto kadha wa kadha kama vile;
- Kuziba: Ndani ya hii converter kuna uwepo wa mabaki mengi ya carbon ambapo baada ya muda mrefu kiwango hichi cha Carbon huweza kujaa zaidi na kuifanya Catalytic converter isifanye Kazi yake kwa ufanisi unaohitajika.
- Mipasuko: Ajali na changamoto nyinginezo zilizopo barabarani huweza kuathiri Converter na hii hupelekea converter hio kupoteza kabisa uwezo wake wa kuchuja uchafu kabla haujafika kwenye exhaust pipe.
- Wizi au Kuibiwa: Ndani ya Catalytic converter kuna madini kama vile Rhodium, Palladium na Platinum. Madini haya yana thamani kubwa. Ndio maana sio nadra kusikia watu kulalamika kua Converter yake imekatwa.
Namna ya Kuitunza Catalytic Converter ya gari yako.
- Fanya Ukaguzi Mara kwa Mara: Ni vyema kufanya Ukaguzi wa mfumo wa exhaust ili uweze kuziona changamoto kama vile mipasuko, kuvuja au dalili zozote, mapema.
- Fanya matengenezo mapema kwenye engine : Matatizo kama vile Engine misfiring, poor fuel mixture, au kuvuja kwa mafuta linaweza kuharibu converter, Iwapo hautafanya matengenezo yake kwa wakati.
- Tumia mafuta na vilainishi elekezi: Kila gari inatumia aina fulani ya vilainishi na mafuta yake, hivyo epuka kutumia tu aina yoyote ile kwenye gari yako, kwakua matumizi hayo holela unaweza kuharibu engine na hata mfumo wa exhaust wa gari yako.
- Linda gari yako: Kwenye Usafiri wa Umma kama vile Daladala (Matatu) utasikia misemo mingi kama vile “Abiria Chunga Mzigo Wako” . Naam, zingatia kuilinda Converter ya gari yako kwa kupaki gari yako sehemu salama na pia hata ikiwa gari yako itahitaji marekebisho, ipeleke kwa fundi anayeaminika.
- Ibadili Converter kwa kuweka Converter yenye Ubora: Ni muhimu kuzingatia ubora wa converter iwapo itakubidi kuibadili ili gari yako ibaki kwenye kiwango sahihi cha ufanisi huku kulinda mazingira yetu.
Ahsante Sana kwa kusoma mpaka mwisho, hakika Wewe ni mtu wa thamani Sana, na Unaweza kunifollow X (Twitter) @mentormania123
